Əsərdə baş verən bir çox hadisələrin sonradan real olmaması şübhəsi yaranır. Yəqin bütün bunların hamısı "tilsim"lənmiş zamanın diktəsi imiş. Oruc Zeynalov (Muxtar İbadov) həkim psixiatrdır. Təmin olunmuş həyatı, Moskvada oxuyan oğlu, onu canından artıq sevən həyat yoldaşı Pakizə (Fərqanə Quliyeva), məşuqəsi, tibb bacısı Ofeliya (Lalə Mustafayeva), dostları, füsunkar bağı. Onun həyatı sadaladıqlarımızın fonunda sakit keçir, lakin müəyyən müddətədək, daha doğrusu bağı öz adına çıxarmaq istəyən Baləminin (Rəzzaq Məmmədov) meydana çıxmasına qədər...
