Gözəl istirahət mərkəzində mühafizəçi işləyən Nəsir və yoldaşı müdirdən vacib tapşırıq alır: İstirahət mərkəzinə 1 gün heç kim buraxılmasın. Nəsir bu qaydanı məhz özü pozur. Otaqlardan birinə daxil olub yatır. Oyananda isə plan qurur ki, ondan pullu olan bacanağı Ruslanı bura çağırıb yalan desin ki, istirahət mərkəzi onundur. Hər şey planladığı kimi yolunda getmir. İstirahət mərkəzində onlardan savayı da kimsə var. Bu kimsə Nəsir və Ruslanın dünyasını dəyişmiş qayınatalarıdır. Artıq bu iki bacanağın və yoldaşlarının bir məqsədi var: Nəsir yoldaşının Ruh Atasını bir yolla öz dünyasına geri göndərməlidir. Bu isə həm çətin, həm də çox məzəli iş imiş.
