İkinci Qarabağ müharibəsində iştirak edən Yusif qızğın döyüşlərin getdiyi ön cəbhədən vaxt tapdıqca arxa cəbhəyə - ailə üzvlərinə görüntülü zəng edir. Valideynləri, həyat yoldaşı və iki azyaşlı övladı səbirsizliklə onun zəngini gözləyirlər. Yusifin sonuncu görüntülü zəngi həyat yoldaşı Günay və iki azyaşlı övladının küçədə olduqları vaxta təsadüf edir.
Film Bərdə şəhərinə atılan raket zərbəsi zamanı şəhid olan dinc sakinlərə və arxa cəbhədə həlak olanların ruhuna ithaf olunub.
Filmin layihəsi Azərbaycan Respublikası Mədəniyyət Nazirliyinin elan etdiyi “Böyük qayıdış” film layihələri müsabiqəsində qalib gələrək ekranlaşdırılıb.
