Sadıq Haqverdi oğlu Əliverdibəyli 13 iyul 1995 - ci ildə Bakı şəhərində anadan olub. 2010-2014-cü illərdə Bakı Texniki Kollecində (indiki Azərbaycan Texniki Universitetinin nəzdində Bakı Texniki Kolleci), 2020-2024-cü illərdə Azərbaycan Dövlət Mədəniyyət və İncəsənət Universitetində təhsil alıb. İxtisasca operatordur. Əmək fəaliyyətinə 2015-ci ildə Üzeyir Hacıbəylinin ev-muzeyində bələdçi vəzifəsində başlayıb. 2016-cı ildən muzeyin şöbə müdiri vəzifəsində çalışır. Paralel olaraq fotoqrafiya və fotojurnalistika sahəsindədir. Azərbaycan Televiziya və Radio Verilişləri QSC-nin (AzTV) nəzdində Teleradio Akademiyasında operatorluq üzrə kurs, Report İnformasiya Agentliyinin nəzdində Report Media Məktəbində jurnalistika üzrə kurs keçib. Bir müddət "Assistance" Turizm Agentliyində fotoqraf, AzPress Video-Foto İnformasiya Agentliyində fotomüxbir, Report İnformasiya Agentliyində fotoredaktor vəzifələrində çalışıb. Bir müddət fotomüxbir fəaliyyətinə müstəqil formada davam edib. Hazırda Yurd.Media informasiya portalının fotomüxbiridir. 2017 - ci ildən Azərbaycan Fotoqrafları Birliyinin üzvüdür. Bir sıra beynəlxalq və yerli fotomüsabiqələrin və film festivallarının iştirakçısı, finalisti, qalibidir.
