Zabit Səmədov Gürcüstanda azərbaycanlı ailəsində anadan olub və 10 yaşında Minskə köçmüşdür. O, 9 yaşından idmanla məşğul olmağa başlamışdır. Əvvəllər o, Əziz Dursunovun təlimi altında 6 ay karate ilə məşğul olmuşdur. Sonra o Muay tay idman növü ilə məşğul olmağa başlayır. 1998-ci ildən etibarən o, Minskdə məşhur olan Chinuk GYM idman klubunda idmanını davam etdirir. O, (en:Alexey Ignashov) və (en:Sergei Gur) ilə birlikdə məşqçi Dmitry Pioçeski təlimi altında məşqini sürdürür. Zabit Səmədov həvəskar karyerasında bir neçə dəfə dünya və avropa çempionu olmuşdur. Sonradan Zabit Səmədov peşəkar döyüşlərə üz tutmuşdur. Hal-hazırda Belarusda yaşayır. 26 yanvar 2007-ci ildə Fransada keçirilən "K-1 Rules Kick Tournament 2007 in Marseilles" 3 döyüş keçirir və sonuncu döyüşdə Nokout ilə qələbə qazanaraq K-1 Rules Kick Tournament 2007 in Marseilles in birincisi olur. 17 avqust 2007-ci ildə Las Vegasda keçirilən K-1 World GP-də pozitif nəticə göstərmişdir. O bu yarışda 3 döyüş keçirmişdir: 2 döyüşdə qələbə qazanır finalda çox az xal ilə (en:Doug Viney )-ə məğlub olur. 26 aprel 2008-ci ildə Səmədov Niderlandda keçirilən K-1 World GP 2008 in Amsterdam-da iştirak edir və o bu yarışda da 3 döyüş keçirir. O ilk döyüşündə Doug Vineydən intiqamını alır sonrakı döyüşü də udur lakin finalda (w:en:Errol Zimmerman)a məğlub olur. 13 iyul 2008-ci ildə Səmədov k-1 in ən məşhur döyüşçülərindən biri olan (en:Ray Sefo ) ilə döyüşür. Bu döyüş Səmədov üçün çox çətin keçir, lakin o bu çətinliyin öhdəsindən gələrək qələbə qazanır. 23 may 2009-cu ildə Zabit Səmədov Polşada keçirilən () yarışına qoşulur. Səmədov bu yarışda 3 döyüş keçirir və 3 doyüşü də qələbə ilə başa vuraraq yarışın çempionu olur. "Azərbaycan Atabəyləri" çoxseriyalı bədii filmində Şəmsəddin Eldəniz obrazını canlandırıb.
